Shirika la maendeleo na uchumi la Jiji la Dar es Salaam ni Shirika la umma lililoanzishwa na serikali mnamo tarehe 18/05/1971. Shirika liliundwa chini ya sheria ya makampuni namba 212 ya mwaka 1971 mpaka 1973 lililopowekwa chini ya sheria namba 16 ya mashirika ya maendeleo ya Wilaya(District Development Cooperation Act no 16).
Kwa niaba ya Menejimenti na Watumishi wa Shirika la Uchumi na maendeleo la Jiji la Dar es salaam, ninayo furaha kuwakaribisha kwenye tovuti yetu pamoja na kurasa zetu rasmi za mitandao ya kijamii, ambazo zimetengenezwa kwa lengo la kuhabarisha umma kuhusu shughuli zinazofanywa na Shirika la Uchumi na maendeleo la Jiji la Dar es salaam Tovuti hii na kurasa hizi za mitandao ya kijamii ni nyenzo sahihi zitakazowezesha jamii kupata habari zinazolihusu shirika kwa uharaka na kwa usahihi.
Malengo makuu ya Shirika ni kuendelea kuimarisha Vitega Uchumi na miradi mbali mbali nje na ndani ya jiji la Dar es salaam ili kuongeza wigo wa mapato kwa Serikali na kuwa taasisi yenye Mchango mkubwa kwa serikali kupitia Miradi Mbali mbali inayosimamiwa na DDC,
Mwisho, natoa wito kwa wadau mbalimbali kuendelea kuvinjari tovuti hii mara kwa mara,pia tunawasihi kuwasiliana nasi kwa maoni au ushauri kwaajiri ya kuboresha au kuhitaji ufafanuzi Zaidi juu ya huduma zetu. Tunawakaribisha sana kuwekeza na kufanya Biashara Pamoja na Shirika hili Kongwe. Karibuni sana.
Ally Mirambo Hussin
Meneja Mkuu
